Tag Archives: Blue party Ethiopia

በአዲስ አባባ የሰማያዊ ፓርቲ የተወካዮች ምክር ቤት ተወዳዳሪዎች

ሰማያዊ በከተማው ካስመዘገባቸው 23 እጩዎች ውስጥ ሊቀመንበሩን እና ሁለት ሴቶችን ጨምሮ አራት እጩዎች በእጣ ከተወዳዳሪነት ውጪ ሲሆኑ የተቀሩት ሁለት እጩዎች ደግሞ ግልፅ ባልሆነ ምክንያት የተወዳዳሪነት መብታቻው ተገፏል!








ከራሳችን ውጪ ለችግራችን ደራሽ መንግስት የለንም!

በወቅታዊ ጉዳዮች ላይ ከሰማያዊ ፓርቲ የተሰጠ መግለጫ

ከራሳችን ውጪ ለችግራችን ደራሽ መንግስት የለንም!

የኢትዮጵያውያን የውርደት ዘመን ከጊዜ ወደ ጊዜ እየተባባሰ ሰሞኑን ከተከሰተው እጅግ አስከፊ ሁኔታ ላይ አድርሶናል፡፡ የመን ውስጥ በተከሰተው ጦርነት ተጎጂ የሆኑትን የውጭ ዜጎች መንግስታቶቻቸው ቀድመው ሲያስወጡ ለኢትዮጵያውያን ግን የሚደርስላቸው አልተገኘም፡፡ ይህንን ውርደትም ወገኖቻችን ‹‹የመን ውስጥ የቀረነው እኛና ውሻ ብቻ ነን፡፡›› ሲሉ እጅግ በሚያሳዝን መልኩ ገልጸውታል፡፡ ኢትዮጵያውያን ላይ የመድፍ፣ የሞርታርና የአውሮፕላን ድብደባ ሲዘንብባቸው በመከራ ላይ ያሉት ኢትዮጵያውያን ስልክ እንዲደውሉ በፌስ ቡክ ላይ በመለጠፍ ከማላገጥ ውጭ ምንም ያላደረገው የህዝብ ስልጣንን በሀይል የተቆጣጠርው ገዥው ፓርቲ ለራሱ ስልጣን ይጠቅሙኛል ያላቸውን የጦርነቱ ተሳታፊዎች ደግፎ መግለጫ ሲሰጥ የኢትዮጵያውያንን ስቃይ እጥፍ ድርብ አድርጎታል፡፡ በአጭሩ ኢህአዴግ ለራሱ ጥቅም ሲል ብቻ በማያገባውና በማይወጣው ዓለም አቀፍ ጦርነት ውስጥ ሀገራችንን ሲዘፍቅ ጦርነቱን ያወጀው የሚደርስላቸው ባጡ ምስኪን ኢትዮጵያውያንና በኢትዮጵያ ላይ ነው፡፡ ይህም የሀገራችን የውጭ ጉዳይ ፖሊሲ ከመቸውም ጊዜ በላይ የወደቀና ለዜጎች እንደማይቆም በድጋሚ ገሃድ የወጣበት ነው፡፡
በየመን የተከሰተውን መርዶ ሰምተን ሳንውል ሳናድር ደቡብ አፍሪካ ውስጥ በኢትዮጵያውያን ላይ ሌላ አስደንጋጭ አደጋና እና ሰቆቃ ልንሰማ ተገደናል፡፡ ኢትዮጵያውያን ሀብትና ንብረታቸው መዘረፉ ሳያንስ በአሰቃቂ ሁኔታ ህይወታቸው ሲያልፍ በዓለም አቀፍ ሚዲያዎች ተከታትለናል፡፡ የዚህ አሰቃቂ አደጋ ሰለባ የሆኑ የሌሎች ሀገራት ዜጎች በቶሎ ከደቡብ አፍሪካ ሲወጡ፣ እንዲሁም ሀገራቱ ዜጎቻቸውን መታደግ ያስችላል ያሉትን መፍትሄዎች ሲያስቀምጡ እና ሲያስጠነቅቁ ቢደመጥም ኢህአዴግ ግን እንደተለመደው የኢትዮጵያውያንን ሰቆቃና ስቃይ ከምንም እንዳልቆጠረው በግልፅ እየታየ ነው፡፡
በእርግጥ ላለፉት 24 ዓመታት ኢህአዴግ ሀገር ውስጥ የሚኖሩትን ዜጎች ሲያሰቃይ፣ በውጭ የሚኖሩትን ኢትዮጵያውያንም የሆነ ያልሆነ ስም እየለጠፈ በጠላትነት ሲፈርጃቸው እንደቆየ አይተናል፡፡ ከኢትዮጵያውያን ይልቅ የራሱን የግል ጥቅም ሲያሳድድም ቆይቷል፡፡ በቅርቡ ሳውዲ አረቢያ ውስጥ ወገኖቻችን ከፍተኛ በደል ሲደርስባቸው ይህ ነው የሚባል እገዛ ያላደረገው ኢህአዴግ ሰማያዊ ፓርቲ በወገኖቻችን ላይ የደረሰውን በደል በማውገዝ አዲስ አበባ ውስጥ የሚገኘው የሳውዲ ኤምባሲ ላይ ተገኝቶ ሲቃወም የሳውዲ ፖሊሶች ሀገራቸው ውስጥ ኢትዮጵያውያን ላይ ከፈፀሙት በደል ያልተናነሰ የኢትዮጵያ ፌደራል ፖሊስ ሰልፍ በወጡት ኢትዮጵያውያን ላይ በጭካኔ ድብደባ ፈፅሟል፡፡ ይህም ኢህአዴግ ለኢትዮጵያውያን የቆመ ሳይሆን በበእድ አገራት በኢትዮጵያውያን ላይ በደል ከሚፈፅሙት ያልተናነሰ ጨካኝ ስርዓት መሆኑን ያሳየበት ነው፡፡ 
ኢህአዴግ ለስሙ ‹‹የዳያስፖራ ፎረም›› በሚል የራሱን ደጋፊዎች አደራጅቶ በውጭ የሚገኙ ኢትዮጵያውያንን ለልማት የበኩላቸውን እንዲያደርጉ እየሰራ እንደሚገኝ በስሩ በያዛቸው ሚዲያዎች ሲያሰራጭ ከርሟል፡፡ ከዚህም ባሻገር ኢትዮጵያውያኑ ለእነሱና ለሀገራቸው እንደማያስብ በመረዳታቸው ምክንያት ፊታቸውን ስላዞሩበት ውጤታማ አልሆነም እንጅ በተለያዩ አገራት እየተዘዋወረ ለአባይ ግድብ የበኩላቸውን እንዲያዋጡ ሲወተውት ታይቷል፡፡ ሳንቲም ለመልቀም በተለያዩ የዓለም ከተሞች እየዞረ ኢትዮጵያውያንን የሚሰበስበው ገዥው ፓርቲ በችግራቸው ወቅት ግን ምንም አይነት እርዳታ ሲያደርግ አይስተዋልም፡፡ ይብሱንም ችግር ላይ ባሉት ኢትዮጵያውያን ላይ ሌላ በደል ሲፈጽምና በስቃያቸው ላይ የማላገጥ ያህል ፕሮፖጋንዳ ሲሰራባቸው እያየን ነው፡፡ ይህም የሚያሳየው ገዥው ፓርቲ ኢትዮጵያውያንን አባብሎ ገንዘብ ከመቀበል ያለፈ ለውድ ህይወታቸው ደንታ እንደሌለው ነው፡፡
በኢትዮጵያውያን ላይ እየደረሱ ባሉት ተደጋጋሚ ግፎች ተሸፈነ እንጅ ሰሞኑን ሌላ ኢህአዴግ ለዜጎች እንደማይጨነቅ የታየበት ክስተት እየተፈፀመ እንደሆነ በተለያዩ ድህረ ገጾች ላይ ለመከታተል ችለናል፡፡ ኢህአዴግ ለራሱ ጥቅም ሲል ለሱዳን መንግስት አሳልፎ በሰጠው ሰፊና ለም የሀገራችን ሉዓላዊ መሬት አካባቢ የሚኖሩ ኢትዮጵያውያን ላይ ሌላ አሳፋሪ እና አሰቃቂ ወንጀል እንደተፈፀመ ተዘግቧል፡፡ የሱዳን መንግስት ወታደሮች ድንበሩን ጥሰው የሱዳን አዋሳኝ በሆነው የሰሜን ጎንደር ዞን ጠረፋማ ቦታዎች የሚኖሩ ኢትዮጵያውያን አርሶ አደሮች ላይ ጥቃት ሲፈፅሙ የኢትዮጵያ የመከላከያ ሰራዊት ሊታደጋቸው አልቻለም፡፡ 

ሰሞኑን በኢትዮጵያውያን ላይ የደረሰው ሰቆቃ ኢትዮጵያውያን አገራቸው ውስጥ ቢሆኑም ቢሰደዱም ከመከራው ሊላቀቁ እንዳልቻሉ አመላካች ነው፡፡ በውጭም ሆነ በሀገር ቤት የሚኖሩ የአንድ ሀገር ዜገች መብታቸውና ክብራቸው ሊጠበቅ የሚችለው ሀገር ውስጥ ለሀገርና ዜጎች የሚያስብና የሚቆረቆር መንግስት ሲኖር ነው፡፡ ሆኖም ኢትዮጵያውያን የሚገዙት ኢህአዴግን በመሰለ ለሀገርና ለህዝቡ ደንታ በሌለው ስርዓት በመሆኑ የሰሞኑ ሰቆቃ የሚገርም አይደለም፡፡ መቼውንም ኢህአዴግ የሀገርና የዜጎቹን መብትና ክብር ያስጠብቃል ብሎ መጠበቅም ዘበት ነው፡፡ 
ኢትዮጵያውያን የሀገራችንና የራሳችን ክብር እና ደህንነት ማስጠበቅ ካለብን መጀመሪያ ሀገራችን ላይ የሚገኘውን ስርዓት በፅኑ መታገል የግድ ይለናል፡፡ ኢትዮጵያ ውስጥ ምቹ አስተዳደር፣ ዴሞክራሲያዊና ለዜጎች የሚያስብ ስርዓት ቢኖር መጀመሪያውኑም ወገኖቻችን በገፍ ለአደጋ ወደሚጋለጡባቸው አካባቢዎች ባልተሰደዱ ነበር፡፡ በመሆኑም በቅድሚያ ክብራችንን ለማስመለስ የነፃነት ትግሉን አጠናክረን በመቀጠል፣ እንዲሁም በውጭ የምንገኝ ኢትዮጵያውያን ለጊዜውም ቢሆን ራሳችን ከአደጋ ለማዳን በተለያዩ ማህበራት ተደረጃቶ በመንቀሳቀስ ብሎም ስርዓቱ እስካለ ድረስ ችግሮቻችን እየተባባሱ እንጂ እየተቀረፉ እንደማይመጡ በመገንዘብ በሀገር ቤት ስርዓቱን ለመቀየር የሚደረገውን ሰላማዊ ትግል በማገዝ የችግራችንን ሁሉ መሰረት የሆነውን አምባገነናዊ አገዛዝ ለመለወጥ የበኩላችንን ልንወጣ ይገባል፡፡ ክብራችንን ልናስመልስ የምንችለው ሀገራችን ውስጥ እንዳንኖር ያደረገንን ስርዓት ቀይረን አንድም በገዛ አገራችን መኖር ስንችል፣ አንድም በአደጋ ወቅት ሊደርስልን የሚችል ተቆርቋሪና ለዜጎች የሚያስብ መንግስት መመስረት ስንችል ብቻ መሆኑን ልንገነዘበው ይገባል፡፡
በአሁኑ ሰዓት በደቡብ አፍሪካ ሰቆቃ እየደረሰባቸው ያሉ ወገኖቻችንን ለመታደግ በዓለም ላይ ተበትናችሁ የምትኖሩ ኢትዮጵያውያን በሙሉ በችግር ውስጥ ለወደቁት ወገኖቻችን አጋርነታችሁን በማሳየት ዓለማቀፍ የተቃውሞ ድምፃችሁን እንድታሰሙም ሰማያዊ ፓርቲ ጥሪውን ያስተላልፋል፡፡ በወገኖቻችን ላይ የሚደርሰውን ሰቆቃ እልባት እንዲያገኝ ፓርቲያችን የበኩሉን ጥረት እያደረገ ሲሆን በደቡብ አፍሪካ የሚኖሩ ኢትዮጵያውያን ላይ የሚደርሰውን በደል ለማስቆም አዲስ አበባ በሚገኘው የደቡብ አፍሪካ ኤምባሲ በኩል የራሱን ጥረት እያደረገ ይገኛል፡፡ በሌላ በኩል የመን ውስጥና በሱዳን አዋሳኝ የሚኖሩ ኢትዮጵያውያን ላይ ስርዓቱ ከባዕዳን ጋር ተባብሮ የሚፈፅመውን በደልም ለህዝብና ለዓለም አቀፍ ማህበረሰቡ በማጋለጥ የበኩሉን አስተዋጽኦ ለማድረግ መረጃዎችን እያሰባሰበ ይገኛል፡፡

በትግላችን የሀገራችንና የራሳችን ክብርና መብት እናስጠብቅ!

ኢትዮጵያ በክብር ለዘላለም ትኑር!!!

ሚያዝያ 9/2007 ዓ.ም

image

image

image

የአውሮፓ ህብረት 10 ተቃዋሚ ፓርቲዎችን በምርጫው ጉዳይ አነጋገረ

በነገረ ኢትዮጵያ

image

• ጠቅላይ ሚኒስትሩንም ምሽቱን ያነጋግራል ተብሎ ይጠበቃል

• ህብረቱ ምርጫውን አይታዘብም ተብሏል

የአውሮፓ ህብረት ልዑክ ዛሬ ህዳር 11/2007 ዓ.ም ሶስት የተቃዋሚ ፓርቲዎች መሪዎችን ያነጋገረ ሲሆን፣ በኢህአዴግ በኩል ጠቅላይ ሚኒስትር ኃይለማርያም ደሳለኝን ለማነጋገር ምሽቱን ቀጠሮ መያዙን ለማወቅ ተችሏል፡፡ 

በአውሮፓ ህብረት የልዑል መሪ ሻንታል ሔቤሬት የተመራው የልዑካን ቡድን የሰማያዊ ፓርቲና የ9ኙ ፓርቲዎች ትብብር ሊቀመንበር ኢንጅነር ይልቃል ጌትነትን፣ እንዲሁም የመኢአድና የመድረክን አመራሮች ማነጋገራቸው ታውቋል፡፡

የአውሮፓ ህብረት ሶስቱን ተቃዋሚ ፓርቲዎች ያነጋገረበት ዋነኛው አላማ ከምርጫ 2007 በፊት ያሉትን ችግሮች ለማወቅ የሚል ሲሆን በተቃዋሚዎቹ በኩል ያሉትን ችግሮች ለጠቅላይ ሚኒስትሩ እንደሚያቀርቡ ገልፀዋል፡፡ 

የሰማያዊና የ9ኙ ፓርቲዎች ትብብር ሊቀመንበር ኢ/ር ይልቃል የአውሮፓ ህብረት ላቀረበው ጥያቄ በርካታ ችግሮች መኖራቸውን በማመልከት፣ ‹‹የምርጫው ችግር ከአጠቃላይ የኢትዮጵያ ችግር የመነጨ ነው፡፡ በተለይ ከ1997 ዓ.ም በኋላ ሚዲያውን፣ ሲቪክ ተቋማቱንና ተቃዋሚዎችን ለማፈን መሳሪያ የሆኑ አዋጆች የአገሪቱን ፖለቲካ አበላሽተዋል፡፡ በምርጫው ላይ የተፈጠረው ችግር የዚህ ሁሉ ድምር ነው›› በማለት መሰረታዊ የአገሪቱ ችግሮች ካልተፈቱ ምርጫው ላይ የተደቀነው ችግርም ሊፈታ እንደማይችል እንደገለጹላቸው ለነገረ ኢትዮጵያ ገልጸዋል፡፡

በሌላ በኩል ከአሁን ቀደም የተደረጉትን ምርጫዎች የታዘበውና በምርጫዎች ሂደት ነበሩ የተባሉትን ችግሮች በሪፖርቱ በማካተት የሚታወቀው የአውሮፓ ህብረት ስለ ምርጫው ሁኔታ በቅርቡ ስላወቀና ቀድሞ ስላልተጋበዘ ምርጫውን እንደማይታዘብ የተቃወቀ ሲሆን በአንጻሩ የአፍሪካ ህብረት ምርጫውን እንደሚታዘብ ከወዲሁ ለመረዳት ተችሏል፡፡

ሰማያዊ ፓርቲን ጨምሮ 12 ፓርቲዎች ለምርጫ ቦርድ ደብዳቤ አስገቡ

 

ቀን፡ ጥቅምት 5 ቀን 2007 ዓ.ም.

ለኢትዮጵያ ብሄራዊ ምርጫ ቦርድ

አዲስ አበባ

ጉዳዩ፡ የ2007 አገር አቀፍ ምርጫ ይመለከታል፤

የኢትዮጵያ ብሄራዊ ምርጫ ቦርድና የጠቅላይ ሚ/ር ጽ/ቤት እንደምታስታውሱት ጥቅምት 15 ቀን 2005 ዓ.ም. በአዳማ ከተማ በምርጫ 2005 የጊዜ ሰሌዳ ላይ ለመወያየት በቦርዱ በተጠራው ስብሰባ ላይ ተሳታፊ የሆኑ 41 ፓርቲዎች በስብሰባው ላይ ‹‹ከጊዜ ሰሌዳው በፊት በምርጫ ጉዳዮች ላይ እንነጋገር›› በሚል ያቀረቡትን ኃሳብ ቦርዱ ባለመቀበሉ ከነዚህ ውስጥ 33ቱ ፔቲሽን ፈርመው ማቅረባቸው፣ ሃያ አራቱ/24/ ደግሞ ከሰብዐዊና ዲሞክራሲያዊ መብት፣ በምርጫ ሂደትና አፈጻጸም የመከላካያ ኃይሉንና አስተዳደሩን ጨምሮ የመንግሥት መዋቅሮች ጣልቃገብነት፣ የመንግስት ሃብት ለገዢው ፓርቲ ጥቅም መዋል፣ የዲሞክራሲ ተቋማት ላይ የሚደርሰውን ጫና፣ የመንግስት መገናኛ ብዙኃን ለገዢው ፓርቲ በአድልኦ ከማገልገላቸው አልፎ አማራጭ የመረጃ ምንጮች (ነጻው ፕሬስ) ላይ የሚደርሰውን ጫና፣ የምርጫ ቦርድ ነጻነት፣ ሚዛናዊነትና ከአድልኦ ነጻ መሆን …. እንዲሁም ከህገመንግስቱ ጋር የሚቃረኑ አፋኝ ህጎች መውጣታቸውን የሚመለከቱ በአጠቃላይም ከፖለቲካ ምህዳርና ከዲሞክራሲያዊ ነጻ፣ ፍትሃዊ፣ ተኣማኒና አሳታፊ ምርጫ ጋር የተያያዙ 18/አስራ ስምንት/ ጥያቄዎችን በጋራ አቅርበዋል፡፡ ከዚሁ ጋር በተያያዘ መግለጫዎችን አውጥተዋል፡፡ ጥያቄዎቹ ምላሽ ባለማግኘታቸውም ራሳቸውን ከምርጫው አግለዋል፡፡ በመቀጠልም ስለምርጫ 2005 አፈጻጸም ሚያዝያ 22/2005 ዓ.ም መግለጫ አውጥተው ለዋና ዋና ባለድርሻ አካላት ጥሪ አቅርበዋል፡፡ ይህን እንጂ እስከዛሬ ያቀረብናቸው ጥያቄዎች ተገቢውን መልስ ከማግኘት በተቃራኒ ችግሮቹ በመባባሳቸውና በእጅጉ በከፋ ሁኔታ በመቀጠላቸው ሁኔታዎች ከቁጥጥር ውጪ እንዳይወጡና ሠላማዊ የሥልጣን ሽግግርን ጥያቄ ውስጥ እንዳይከቱ ሥጋት ላይ ከሚጥል ደረጃ ላይ በመድረሳችን ይህን ደብዳቤ ለመጻፍ ተገደናል፡፡

ከላይ የጠቀስነው 18 ጥያቄዎችን ባልተመለሱበት በተካሄደው ምርጫ ሂደትና ውጤት በሚመለከት ከምርጫው በኋላ ሚያዝያ 22/2005 ዓ.ም ያወጣነውን መግለጫ ለማጣቀሻነት አያይዘን አቅርበናል፡፡ በተጨማሪም ከምርጫ 2005 በኋላ በወጣው መግለጫና በተለያዩ ፓርቲዎች በተናጠልና በጋራ በተለያዩ ቦታዎችና ጊዜያት በተደረጉ ሰልፎች የቀረቡ የህዝብ ጥያቄዎች መልስ ያለማግኘታቸው የጥያቄዎቻችንን ትክክለኛነት የሚያረጋግጡና ኢ-ዲሞክራሲያዊ አካሄዱን የሚያጠናክሩ ሆነው አግኝተናቸዋል፡፡ እነዚህ በመንግስት/ገዢ ፓርቲ በማንአለብኝነት የተወሰዱ ህገወጥ እርምጃዎች የአገራችን ቀጣይነት ያለው ዘላቂ ልማትና ሠላም፣ የመድብለ ፓርቲ ሥርዓት ግንባታ፣ ህገመንግስታዊ ሰብዐዊና ዲሞክራሲያዊ መብቶች አከባበርና የህዝብ ለህዝብ ግንኙነት … በጥያቄ ውስጥ ጥለውታል፡፡ ከነዚህ ዋናዋናዎቹን በማሳያነት ከዚህ በታች አቅርበን ጥያቄዎቻችንን እናስከትላለን፡፡ ጥቅል ተጨባጭ ማሳያዎቹም የሚከተሉት ናቸው፡፡

1ኛ/ በተለያየ የመዋቅር ደረጃ የሚገኙ የፖለቲካ ፓርቲ አመራሮችን ማስፈራራት፣ የአካላዊና የንብረት ጉዳት ማድረስ፣ በሃሰት ውንጀላና የፈጠራ ክስ ማሰር፣ እየተጠናከረ መምጣትና በዚህም የፓርቲዎችን በዕቅዳቸው መሰረት የመሥራትና የዕለት ተዕለት ነጻ ህጋዊ እንቅስቃሴ መገደብ፤

2ኛ/ በአንድ በኩል የሠላማዊ ትግል ስልቶች ተግባራዊ የሚሆኑበትን መንገድ በመዝጋት፣ የተቃዋሚ ፖለቲካ ፓርቲዎች ከህዝብ ጋር እዳይገናኙና ዓላማቸውን፣ ፕሮግራማቸውንና አማራጭ ፖሊሲዎቻቸውን ለህዝብ እንዳያደርሱ በማድረግ፣ በሌላ በኩል ደግሞ ገዢው ፓርቲ ከምርጫ የጊዜ ሰሌዳ በፊት በመንግሥት መገናኛ ብዙኃን፣ መንግስታዊ መዋቅርና ሃብት በመጠቀም ለት ተለት በአብዮታዊ ዲሞክራሲ እየጠመቀ የምርጫ ቅስቀሳ ያደረገበትና እያደረገ ያለበት ሁኔታ ግልጽ መሆኑ ፤

3ኛ/ ገዢው ፓርቲ ከመንግስት ካዝና በሚሊዮኖች የሚቆጠር ገንዘብ ተቀብሎ ያለምንም መስፈርት ለሚፈልጋቸው ፓርቲዎች በማከፋፈል በፓርቲዎች መካከል አላስፈላጊ የአቅም ልዩነት በፈጠረበትና የጥቅም ትስስር/ድጋፍ በገዛበት ሁኔታ የብሄራዊ ምርጫ ቦርድ ከተግባርና ኃላፊነቱ ውጪ ተሳታፊ መሆኑ፤

4ኛ/ ገዢው ፓርቲ የመንግስት መገናኛ ብዙሃንን በብቸኝነት በሚጠቀምበት እውነታ ለህዝብ አማራጭ መረጃዎችን የሚያቀርቡና በሥርዓቱ ላይ ትችቶች የሚያቀርቡ የነጻው ፕሬስ ጋዜጠኞችን፣ ጦማሪያንና አሳታሚዎችን በመክሰስ አንድም ለወህኒ ያሊያም ለስደት ( በቅርብ ጊዜ ብቻ ከ10 በላይ ጋዜጠኞችና ጦማሪያን መታሰራቸውን፣ ከ20 በላይ ጋዜጠኞችና አሳታሚዎች መሰደዳቸውን ያጤኑኣል) በመዳረግ መራጩን ህዝብ ከአማራጭ መረጃ የማግኘት መብት ሙሉ ለሙሉ በሚያስብል ሁኔታ የተገደበበት፤

5ኛ/ በተለያዩ ቦታዎች በህዝብ ለህዝብ ግንኙነት ላይ የሚታየው ግጭትና ይህን ተከትሎ የሚታየው የህይወት መጥፋት፣ የንብረት ውድመት፣ መፈናቀልና ማኅበራዊ ምስቅልቅል አሳሳቢ መሆኑ በግልጽ የሚታይና በተደጋጋሚ እየተከሰተ ያለ እውነታ መሆኑ፤ …ወዘተ

እነዚህ ከላይ የተመለከቱት የቅርብ ጊዜ ክስተቶች ማሳያዎች፣ በተያያዘው መግለጫ ላይ የቀረቡ እውነታዎችና ከዚህ በፊት በምርጫ 2005 ዓ.ም ወቅት ያቀረብናቸው ጥያቄዎች ከነጻ፣ ፍትሃዊ፣ ተኣማኒና አሳታፊ ዲሞክራሲያዊ ምርጫ ጋር በቀጥታ የተገናኙ በመሆናቸው ከጊዜ ሰሌዳው በፊት፡- 1. ከ2005 ዓ.ም እስከ ዛሬ ያቀረብናቸው ጥያቄዎቻችን እንዲመለሱ፤ 2. ገዢውን ፓርቲና አጋሮቹን ጨምሮ ሁሉም ህጋዊ ፓርቲዎች በጋራ ተገናኝተው በምርጫና የመድብለ ፓርቲ ሥርዓት ግንባታ ላይ የሚወያዩበት የጋራ መድረክ እንዲዘጋጅ፤እንጠይቃለን፡፡ የእነዚህ ጥያቄዎች መልስ ማግኘት ማለት ለሠላማዊ የሥልጣን ሽግግር / የነጻ፣ ፍትሃዊና ተኣማኒና አሳታፊ የምርጫ ውድድር ሥርዓት/ ሠላማዊ ትግል/ ዕድል ከመስጠትና የመድብለ ፓርቲ ሥርዓት ከማረጋገጥ ጋር በእጅጉ የተቆራኘ ነው፡፡ ማለትም በሌሎች አምባገነን መንግስታትና ሥርዓቶች በጦር መሣሪያ ኃይልና በደህንነት አቅም በመመካት በሥልጣን ላይ ለመቆየት ያሳዩትን እምቢተኝነትና ማንአለብኝነት ተከትሎ የተከሰቱ ህዝባዊ እምቢተኝነትና በውጤታቸውም የተከተሉ ቀውሶችን በጋራ በመከላከል ከአሸናፊ/ተሸናፊ ጠቅላይ የፖለቲካ ሥልጣን አስተሳሰብ በመውጣት ለዲሞክርሲያዊ ሥርዓት ግንባታ መሠረት የመጣልና ለዘላቂ ሠላምና ልማት ዋስትና መስጠት ማለት ነው፡፡ በዚህ ማንም ተጎጂ አይሆንም፡፡

በተቃራኒው እነዚህ ጥያቄዎች ባልተመለሱበት የሚደረግ የምርጫ ተሳትፎ ለኢህገመንግስታዊነትና ኢዲሞክራሲያዊነት ዕውቅና በመስጠት አገሪቷንና ህዝብን ወደባሰ አዘቅት መወርወር በመሆኑ በታሪክና ትውልድ ፊት የሚያስጠይቅ ይሆናል፤በዚህ ማንም ተጠቃሚ አይሆንም፣ በዚህ መተባበርም ከተጠያቂነት አያተርፍም፡፡

ስለዚህ እኛ ስማችን ከዚህ በታች የሰፈረው ፓርቲዎች ምርጫችን ማናችንም ተጎጂና ተጠያቂ የማንሆንበትንና ሁላችንም ተጠቃሚ የሚያደርገንን ዲሞክራሲዊና ነጻ፣ፍትሃዊ፣ተኣማኒና አሳታፊ ምርጫ/ ሠላማዊ ትግል/ በመሆኑ የኢትዮጵያ ብሄራዊ ምርጫ ቦርድ ከምርጫ የጊዜ ሰሌዳ በፊት ባለበት አገራዊና ህዝባዊ ኃላፊነት መሠረት ለጉዳዩ ትኩረት እንዲሰጠውና ተገቢ ምላሽ በመስጠት ሚዛናዊነቱን. ከወገንተኝነት የጸዳ፣ በምርጫ ህጉ በተሰጠው ሥልጣንና ኃላፊነት መሰረት የሚሰራ መሆኑን እንዲያረጋግጥ በድጋሚ አበክረን እንጠይቃለን፡፡

ጥያቄኣችንን በግልባጭ ያሳወቅናችሁ የመንግስት አካላት ጉዳዩ በመዋቅርና በባለቤትነት በቀጥታ የሚመለከታችሁ በመሆኑ ለአቤቱታችን አጽንኦት ሰጥታችሁ በቅርበት እንዲትከታተሉና አዎንታዊ ተጽዕኖ እንድታደርጉ በመራጩ ህዝብ ሥም እናሳስባለን፡፡

(የፓርቲዎቹ ዝርዝር ከፎቶው ላይ ይመልከቱ)

ግልባጭ፡- ለህዝብ ተወካዮች ም/ቤት፤ ለጠቅላይ ሚ/ር ጽ/ቤት፤ ለኢትዮጵያ ሰብዐዊ መብት ኮሚሽን፤ አዲስ አበባ

መንግስታዊ ሽብርተኝነትን የሚሸከም ትከሻ አይኖረንም!!!

SemayawiParty.org

image

ከሰማያዊ ፓርቲ የተሰጠ መግለጫ
ሀምሌ 3/2006ዓ/ም

የህወሓት/ኢህአዲግ አገዛዝ በኢትዮጵያ ስልጣን ላይ ከወጣበት ጊዜ ጀምሮ ዜጎችን በማፈንና በማሰቃየት ብሎም በመግደል የአፈና አገዛዙን ለረጅም ጊዜ ሲያራምድ መቆየቱ ዓለም የሚያውቀው ሀቅ ነው፡፡ በተለይም ባለፉት 10 ዓመታት የህዝብን ሰላማዊ እንቅስቃሴ ለማፈን እስራትና ግድያውን ህጋዊ ለማስመሰል የተለያዩ አፋኝ አዋጆችን አውጥቷል፡፡ እነዚህን አዋጆችንም ተገን አድርጎ በሰላማዊ መንገድ የሚታገሉ የፖለቲካ ፓርቲ መሪዎችንና አባለትን፣ ጋዜጠኞችንና ጦማርያንን፣ እንዲሁም የእምነት ተቋማት መሪዎችን እና በአገዛዙ ላይ ጥያቄ የሚያነሱ ዜጎችን ማሰሩን፣ ማሰቃየቱንና ግድያውን ተያይዞታል፡፡ በህገ መንግስቱ የተካተቱ የሰብዓዊ መብቶችንና ዓለም አቀፍ ስምምነቶችን በሙሉ የሚጥሰውና የአምባገነንነት ስልጣኑን ለማራዘም ሲል ያፀደቀው የፀረ-ሽብር አዋጅ ከፀደቀበት እለት አንስቶ ኢህአዴግ ለስልጣኔ ያሰጉኛል የሚላቸውን ፍፁም ሰላማዊ ታጋዮችንና ህገ መንግስታዊ መብታቸውን ተጠቅመው በድፍረት የፃፉ ጋዜጠኞችን ብሎም የእምነት ነፃነታችን ይከበር ብለው የጠየቁ የሀይማኖት መሪዎችን በጠራራ ፀሃይ ያለምንም ወንጀል በዚሁ ህገ ወጥ አዋጅ ‹‹የፀረ ሽብር ግብረ ሀይል›› በሚባል ማንነቱ በማይታወቅ የጨለማ ቡድን ወደ እስር ቤት እያጋዘ ይገኛል፡፡

ይህን የሚያጋልጡ ሚዲያዎችንም ለማፈን እስር ቤቶችን ጨምሮ በሚሊዮኖች የሚቆጠር ዶላር እያፈሰሰ የአየር ሞገድ ያውካል፤ በዚህ ሳያበቃ በሀገር ውስጥ በሰላማዊ መንገድ ተቃውሟቸውን የሚያሰሙ ፖለቲከኞችን ለማሸማቀቅ እንደ ኢሳት ያሉ ሚዲያዎችን የአሸባሪ ልሳን ብሎ በመፈረጅ ሚዲያውን የሚጠቀሙትን ደግሞ ከአሸባሪዎች ጋር ንክኪ እንዳላቸው አድርጎ መወንጀሉን ቀጥሎበታል፡፡ እንደሰማያዊ እምነት ማንም አካል መልእክት የሚያስተላለፍበትን የሚዲያ ተቋም ሊመርጥለት እንደማይችል መንግስት እንዲገነዘበው ከዚህ በፊት በግልፅ ያሳወቀ ሲሆን አሁንም ፓርቲው በዚሁ የፀና አቋሙ እንደሚቀጥል በድጋሚ ይገልፃል፡፡

ባጠቃለይ የዚህን ገዢ አካል የእውር ድንብር ሀገር የማስተዳደር ጉዞ ለመታገል በርካቶች በሰላማዊ መንገድ እየተንቀሳቀሱ ቢሆንም በህወሓት/ኢህአዲግ ግፍና መከራ ተገፍተው ስርዓቱን በሃይል እናስወግዳለን ብለው ሀገር ጥለው የተሰደዱ ዜጎችም እንዳሉ ይታወቃል፡፡ የህወሓት/ኢህአዲግ ማናለብኝነትና የስልጣን ጥመኝነትም በግለሰቦች ላይ ከሚያስከትለው ማህበራዊ ቀውስ በላይ በሀገሪቱ ኢኮኖሚያዊና ፖለቲካዊ ጉዳዮች ላይ ከፍተኛ አለመረጋጋትን አስከትሏል፡፡ በአሁኑ ሰዓትም ይህ ገዢ ፓርቲ የፈጠረው ስርዓት የሀገሪቷን ሰላማዊ የፖለቲካ ምህዳር በማጥበብ ሀገራችንን ወደ አልተፈለገ አለመረጋጋትና ቀውስ እየመራት ይገኛል፡፡ፓርቲያችንም እነዚህን ከላይ የተጠቀሱትና ሌሎችም በቅርቡ እየተፈፀሙ የሚገኙ ህገ ወጥ ድርጊቶች ስላሳሰበው ይህን መግለጫ ለማውጣት ተገዷል:-

1. ሰኔ 16 2006 ዓ.ም የየመን መንግስት የዓለም አቀፍ ስምምነቶችንና ድንጋጌዎችን በመጣስና በሰው ሀገር የውስጥ ጉዳይ በመግባት የአማፂ ቡድን ግንቦት ሰባት ዋና ፀሃፊ የሆኑትን አቶ አንዳርጋቸው ፅጌን መያዟ ይታወሳል፡፡ አቶ አንዳርጋቸው ፅጌ ህገ-ወጥ በሆነ መንገድ ለህወሓት/ ኢህአዴግ ተላልፈው መሰጠታቸውን ከ16 ቀናት በኋላ መታወቁና ይህንንም ሁለቱ ሀይሎች ማመናቸው ተሰምቷል፡፡ ነፃነት በሌለበት ሀገር ዜጎች ሰብዓዊ ክብራቸውን ለማስጠበቅ የሚያደርጉት ጥረት የሌሎች ሀገር መንግስታት የሚያደርጉትን ጣልቃ ገብነት በዓለም አቀፍ ስምምነቶችም ሆነ በተለይ በሁለቱ ሀገሮች ግንኙነት ላይ ከፍተኛ ጥላ የሚያጠላ መሆኑን ግንዛቤ አለመወሰዱ እጅግ የሚያሳዝን ድርጊት ነው፡፡ አቶ አንዳርጋቸው ፅጌ ከተያዙ በኋላ ላለፉት 16 ቀናት በምን አይነት ሁናቴ እንደቆዩ ህዝብና ቤተሰቦቻቸው እንዲያውቁት አለመደረጉ፤ ስለ አያያዛቸው ሁኔታም በማህበረሰቡና በፓርቲያችን ውስጥ ከፍተኛ ጥርጣሬ እንዲኖር አድርጓል፡፡ሰማያዊ ፓርቲ የአቶ አንዳርጋቸው ፅጌ ሰብዓዊ አያያዝ እያሳሰበው ህወሓት መራሹ የኢህአዴግ አገዛዝ አያያዛቸውን ግልፅ እንዲያደርግ ሰብዓዊ ክብራቸውም እንዲጠበቅ በጥብቅ ያሳስባል፡፡
2. በዚሁ ሳምንት ገዢው ፓርቲ ሐምሌ 1 ቀን 2006 ዓ.ም ፍፁም ሰላማዊ በሆነ መንገድ የአምባገነኑን መንግስት ህወሓት/ኢህአዲግን ሲታገሉ የነበሩ ፖለቲከኞችን በስመ አሸባሪ ከያሉበት እየለቀመ ህገ-ወጥ እስራት መፈፀሙ ይታወቃል፡፡ ህወሓት/ኢህአዲግ ይህ ግብታዊ ተግባሩ ምንም እንኳን አዲስ ባይሆንም በአሁኑ ወቅት ለውጥን ለማምጣት በቆራጥነት እየታገሉ ያሉ ሰላማዊ ታጋዮችን ማሰሩ በሀገር ውስጥ በህጋዊ መንገድ እየተንቀሳቀሱ የሚገኙ ፓርቲዎችን ከአማፂ ቡድኖች ጋር ግንኙነት ያላቸው በማስመሰል ሰላማዊ ትግሉን ለማዳከምና መጪውን 2007 ዓ/ም ምርጫ ያለ ተቀናቃኝ ለማለፍ የሚደረግ ህገ ወጥ እንቅስቃሴ መሆኑን ተገንዝበናል፡፡ የፓርቲያችን ብ/ም/ቤት ምክትል ሰብሳቢ የሆነው አቶ የሺዋስ አሰፋ በሰላማዊ ትግሉ በቁርጠኝነት እየተሳተፈ ባለበት ሁኔታ ለእስር መዳረጉ፤ የአንድነት ፓርቲ ህዝብ ግንኙነት ኃላፊ አቶ ሀብታሙ አያሌው፤ የአንድነት ፓርቲ የድርጅት ጉዳይ ምክትል ሀላፊ አቶ ዳንኤል ሺበሺ እና በሰሜኑ የሀገራችን ክፍል ከፍተኛ የህዝብ ንቅናቄን በመፍጠር ላይ ያለው የአረና /ትግራይ/ ፓርቲ አመራር አባል የሆኑትን አቶ አብረሃ ደስታ ለእስር መዳረጋቸው ህወኃት/ኢህአዴግ የመጨረሻው መጨረሻ ምዕራፍ ላይ መድረሱን ያረጋግጣል፡፡ በመሆኑም አገዛዙ እያካሄደ ያለውን መንግስታዊ ሽብር አቁሞ ለሀገርም ሆነ ለራሱ የሚበጀውን መንገድ እንዲከተል እያሳሰብን የታሰሩት የፓርቲ ከፍተኛ አመራሮች በአስቸኳይ እንዲፈቱ እንጠይቃለን፡፡

በመጨረሻም ፓርቲያችንን መንግስት እያደረገ ያለው ሽብርን የመንዛትና ህግን የመጣስ ተግባሩ መቼም ቢሆን ከሰላማዊ ትግሉ እንደማያቆመውና ሰላማዊ ትግሉን አጠናክሮ እንደሚቀጥል በአፅንኦት እየገለፀ እነዚህንና ከላይ የተጠቀሱትን የገዢውን ፓርቲ መርህ አልባነት፣ ህገ-ወጥነት እና የለየለት አምባገነንነትን አሁን ካለው ነባራዊ እውነታ ጋር አጣምሮ የትግል ስልቱን ደረጃ ከፍ ወዳለ ምዕራፍ ማሸጋገር እንዳለበት አምኗል፡፡ በመሆኑም ከዚህ በኋላ ለምናደርጋቸው ሀገር አቀፍ ንቅናቄዎች መላው የሀገሪቱ ህብረተሰብ በንቃት ተዘጋጅቶ እንዲጠብቅ ጥሪውን እያስተላለፈ ለዚህም ቁርጠኛ አመራር ለመስጠት ዝግጁነቱን ለመግለፅ ይወዳል፡፡በዚህ አምባገነንነትን ለመታገል በሚደረገው ንቅናቄም በሀገር ውስጥ የሚገኙ ህጋዊና ሰላማዊ ፓርቲዎች፤አለም አቀፍ ተቋማት፤የሰብአዊ መብት ተሟጋቾች፤ሲቪክ ማህበራት፤መላው ኢትዮጵያውያንና ትውልደ ኢትዮጵያውያን ከሰላማዊ ትግሉ ጎን በጋራ እንድንቆም እንጠይቃለን፡፡

ኢትዮጵያ በክብር ለዘላለም ትኑር
ሰማያዊ ፓርቲ
ሀምሌ 3/2006ዓ/ም

‘መድረክ’ እናመሰግናለን

May 24, 2014 MEDREK’s demonstration; Blue Party(semayawi) taking part!

Yonatan Tesfaye By Yonatan Tesfaye·

Killing citizens in anyway can never be justifiable! 

‘መድረክ’ እናመሰግናለን

ሰማያዊ ፓርቲ ዛሬ በመድረክ ሰልፍ ላይ የመድረክን ጥሪ አክብሮ የተገኘ ሲሆን በሰልፉም ላይ የህዝብን ጥያቄ በማስተጋባት አጋርነቱን አሳይቷል፡፡ ይህን ሰልፍ ላዘጋጀው እና የተቃውሞ ድምፃችንን እንድናሰማ ሁኔታዎችን ላመቻቸው የፓርቲዎች ስብስብ ‘መድረክ’ ምስጋና ልናቀርብ እንወዳለን፡፡

የዜጎችን ጥያቄ በጥይት ማስቆም አይቻልም

ኢትዮጵያ በክብር ለዘላለም ትኑር!

ሰማያዊ ፓርቲ!

Of Elections and Diapers in Ethiopia in 2015 

By Alemayehu G. Mariam

image

The 2010 European Union Election Observation Mission Ethiopia made the understatement of the decade when it observed, “The electoral process fell short of certain international commitments,

Whether the people of Ethiopia are better off in 2014 than they were in 2010 or in 2005 is the sole question that should be decided in the 2015 parliamentary “election”. If they are not, the people should vote to change diapers. After all, “politicians are like diapers. They both need changing regularly and for the same reason.” Aarrgh! the thought of poor Ethiopia wearing the same diapers for another 5 years, for a total of 25 years!

In June 2010, I wrote a commentary lamenting the ludicrous 99.6 percent “electoral victory” of the “EPDRF” (“Ethiopian People’s Democratic Revolutionary Front”) , the late Meles Zenawi’s party.In a self-congratulatory victory speech, Meles declared that preposterous election “recognized the efforts of the EPRDF and unequivocally sent a clear message to the opposition parties in our country.” He was referring to the 79 officially registered opposition political “parties” in Ethiopia which were unable to muster even one-half percent collectively in 2010.

The 2010 European Union Election Observation Mission Ethiopia made the understatement of the decade when it observed, “The electoral process fell short of certain international commitments, notably regarding the transparency of the process and the lack of a level playing field for all contesting parties.” The 60-person African Union (AU) observer team led by former Botswana president Ketumile Masire with a straight face concluded, “the elections were free and fair and the team found no evidence of intimidation and misuse of state resources for ruling party campaigns.” The White House shedding crocodile tears expressed “concern that international observers found the elections fell short of international commitments.” Ethiopia is wearing the same diapers today.

The ghosts of elections past
image

In 2010, Meles bulldozed, bribed, bullied and terrorized his way to a 99.6 percent election”victory”. He (mis)used foreign humanitarian and economic aid to buy and extort votes from the rural population. He provided make-work jobs to buy the loyalty of the youth. He (mis)used state resources to mobilize support for his party. He organized a massive surveillance programs and used a network of spies and informants to identify and neutralize his opposition.

When Meles Zenawi prepared for his 99.6 percent electoral victory in 2010, he spoke loudly and carried a big stick. He threatened to prosecute opposition leaders for their allegedly “inflammatory” and “hateful” campaign statements aimed at “inciting violence’. He threatened to jail them if they withdrew from the elections at the last minute and agitated the youth to demonstrate in the streets. After he vanquished his imaginary 78 opponents at the polls, he extended an olive branch to them. They will get his mercy as long as they keep their tails between their legs and licked his boots. “We make this pledge to all the parties who did not succeed in getting the support of the people, during this election, that whether or not you have won seats in the parliament, as long as you respect the will of the people and the country’s Constitution and other laws of the land, we will work by consulting and involving you in all major national issues. We are making this pledge not only because we believe that we should be partners … [but also] you have the right to participate and to be heard.” Meles’ pledges are not worth the breath used to make them.

The Ghost of Meles Zenawi in 2015?

The ghost of Meles Zenawi will hang over the 2015 elections like “pall in the dunnest (dark) smoke of hell”, to paraphrase Shakespeare. Meles was the supreme playwright of stolen and rigged elections. He wrote the script and playbook for rigging and hijacking elections in the bush, long before he held the mantle of power. He was a bit overconfident in 2005 and his party got a thumping; but he learned his lessons well. Never give the real opposition an even break. He jailed wholesale nearly all of the top opposition leaders, independent journalists, human rights advocates and civil society leaders that year.

The overall election mugging strategy for 2015 is the same old one crafted by Meles. Just as Meles wrote the “Growth and Transformation Plan” for the economy, he also wrote the “How To Use Stealth and Hijack the Ethiopian Election Plan” (SHEEP) for politics. The SHEEP plan is based on one simple proposition. “EPDRF” is the ONLY game in town! “EPDRF” is the protector, deliverer and sole guardian of Ethiopia. The “EPDRF” is the ONLY secure pillar of stability, peace, development and progress in Ethiopia.

The SHEEP plan anticipates winning the 2015 election by at least 100 percent. It would be a disgrace and an insult to the memory of Meles to win by anything less! The Plan will work only if the SHEEP shepherds (forgive the pun) manage to hoodwink and corral the various players into their election game.

There is no question that the ruling TPLF (“Tigrayan People’s Liberation Front”) regime, masquerading as “EPDRF” will do everything in its power to convince the people of Ethiopia and the international loaners and donors that it is the one and ONLY force standing between order and total anarchy in that country. The TPLF will try to convince the people and its foreign bankrollers that without the “EPDRF”, Ethiopia will be plunged into civil war just like Rwanda. Without the “EPDRF” there will be ethnic fragmentation, conflict and warfare just like South Sudan. Without the “EPDRF”, the “evil” “Amharas” will take over power. Without the “EPDRF”, the “Oromos” will take over power and punish the “Amharas”. Without the “EPDRF”, the”Tigrayans”will face persecution by”Amharas”and”Oromos”. The ethnically diverse people of Ethiopia will be forced out of their homes, lose their lands and be deprived of their right to speak in their languages. Without the “EPDRF”, the infamous “Derg” will rear its ugly head. Without the EPDRF, the “Muslims” will impose Islamic law in Ethiopia. Without the EPDRF, “Muslims” and “Christians” will persecute each other just like in the Central African Republic. Without the EPDRF, Islamist terrorism will wreak havoc in Ethiopia just like Boko Haram in Nigeria. Without the “EPDRF”, all of the rich people who got rich through corruption and theft will lose their wealth and go to jail or into exile. Without the “EPDRF”, the economy will collapse and Ethiopia will no longer enjoy the (imaginary) 11-15 percent annual economic growth. Without the EPDRF, there will be no development in Ethiopia. Without the “EPDRF”, the sky will fall and the stars come crashing down on Ethiopia!Without the “EPDRF”, there will be no Ethiopia.

Simply stated, the “EPDRF’s” winning strategy is good old fear and loathing. If they can manage to get “Amharas” to fear and dread an “Oromo takeover” of power, they get to win and stay in power. If they can get”Oromos”to hate”Amharas”, they get to win and stay in power. If they can keep “Oromos”preoccupied by historical grievances and overlook the massacres of dozens of innocent university students, they get to win and stay in power. If they can frighten the smaller ethnic groups into believing the world will close on them without the”EPDRF”, they get to win and stay in power.If they can get “Christians” and “Muslims” to fear, loathe and distrust each other, they get to win and stay in power. If they can scare their rich supporters into believing that without the”EPDRF”, they will certainly lose their riches and end up in exile or in jail, they get to win and stay in power. Ifthe”EPDRF”can get their loaners and donors to believe (wink, wink) the sky will fall on Ethiopia and their national interests if they fall out of power, they get to win and stay in power. If the loaners and donors turn a blind eye, purse their lips and plug their ears, as they always have, to the daylight theft of elections in Ethiopia, they get to win and stay in power.

Asking whether the “EPDRF” will win the 2015 elections is like asking whether darkness will envelope the land after sunset. It will be a cakewalk for them.WithMeles, the election mugging playwright and director gone, his pitiful stagehands are now in charge. “Prime Minister” Hailemariam Desalegn, the man warming the “prime minister’s” armchair for Teodros Adhanom, the malaria-researcher-turned-instant-foreign-minster until 2015, has declared on numerous occasions that he and his colleagues will be guided (blindly) by Meles’ vision in everything they do. In 2010, Meles vision was to win the election by 100 percent. He missed it by four-tenths of one percent. Hailemariam & Co. now face a tremendous challenge. They owe it to Meles to win the 2015 “election” by at least 150 percent. It will be a crying shame if their victory margin falls below the golden threshold of 99.6 percent.

To win by at least 100 percent and make Meles proud, Hailemariam & Co. must handout a little bit more fertilizer to the peasants than they did in 2010. They must at least double the “productive safety net payments” to poor rural household to buy their votes. They need to hand out a lot more “microfinance” loans to hoodwink the youth and buy their loyalty and votes. They also need to provide boatloads of empty promises for handout of condos to urban residents.

Over the next 11 months, the”EPDRF”will busier than a mosquito at a nudist colony subtly, cleverly and gradually implementing its SHEEP to pit the various ethnic groups against each other and spend hundreds of millions of birr to buy votes. They will build on their past successes of divide and conquer/rule strategy. For a quarter of a century, they have succeeded in stoking the fires of ethnic antagonisms. They are stoking ethnic fires today by massacring innocent university students (a little over a week ago BBC reported the regime in Ethiopia massacred 47 university studentsin Ambo 80 miles west of the capital). They have had great difficulty in stoking the fires of sectarianism between Christians and Muslims, but they will keep trying. They are great at dirty tricks. Their local bankrollers, namely their corruption-fed fat cat supporters who have a chokehold on the economy, will flock to them ready to offer support. After all, they share the same destiny with the SHEEP herders. Naturally, the loaners and donors will babble the usual lip service nonsense about fair and free elections and at a blink of an eye turn a blind eye to the misuse of their foreign aid and loans for partisan political purposes.

 

 

What about the opposition?

What opposition?! The regime operators have nothing but contempt for the opposition.I have often remarked that Meles and his crew believed that opposition leaders are their intellectual inferiors. As Susan Rice, Obama’s current National Security Advisor, observed, Meles believed those who opposed him are all “fools and idiots”. Meles made it clear in his public statements that he can outwit, outthink, outsmart, outplay, outfox and outmaneuver his opponents any day of the week. He could. Meles’ acolytes today believe in their master’s teachings and visions. They too believe the opposition is dysfunctional, shiftless and inconsequential, and will never be able to pose a real challenge to their power. They view their opposition as a bunch of delinquent children who need constant supervision, discipline and punishment to keep them in line. Like children, they will offer some of them candy — jobs, cars, houses — and whatever else it takes to buy their silence, if not their support. Those they cannot buy, they will intimidate, jail, prosecute or place under continuous surveillance and harass relentlessly.

The fact of the matter is that the Ethiopian opposition inside the country and in the Diaspora is terribly fragmented. Some opposition leaders are more concerned about their own power position than the dangers faced by the nation. They are unwilling to make genuine commitments to a common platform, unite and oppose a formidable common adversary. The opposition lacks the resources to counter the unlimited financial resources of the “EPDRF”. Opposition journalists are jailed and harassed. Even young bloggers are jacked up on silly terrorism charges. There is no civil society. To eliminate any traces of organized urban opposition, the regime has uprooted urban neighborhoods in the name of development. If push comes to shove, Meles’ minions will execute their master’s master plan. Meles once told an American diplomat, “We will crush the opposition with all our might.” The TPLF (sorry, I meant the”EPDRF”)will “win” the 2015 “election” by push or crush.

The BIG known unknowns, unknown unknowns?

image

Former U.S. Secretary of Defense Donald Rumsfeld sometimes liked to speak in conundrums (riddles). He said, “there are things that we know that we know. We also know there are known unknowns; that is to say we know there are some things we do not know. But there are also unknown unknowns, the ones we don’t know we don’t know.”

It is a known known that Meles was the brains and the brawns in the “EPDRF” operation (he single-handedly created the “EPDRF”). We know he was not only the “commander-in-chief” but also “strategist-cum-tactician-cum-guru-in-chief”. It is known that the combined intellectual capacity of all of Meles’ minions will not approximate four-tenths of Meles’ intellectual candlepower.

It is a known unknown that there is no one in the “EPDRF” today who could replace Meles. Hailemariam Desalegn, the ceremonial prime minster in Ethiopia, once declared that he will never be able to “fill Meles’ shoes”. He is right. No one in the”EPDRF”can! It is a known unknown who will indeed fill Meles’ role if not his shoes in 2015. (I think I know that known unknown.) The known unknowns are those things simmering behind the curtains of power in a regime that is legendary for its absolute secrecy. It is an unknown unknown how much infighting there is or has been since Meles’ death among the various TPLF factions. Those who claim to know the unknown unknown say the only thing keeping the various factions in the TPLF together is pure economic interest. They say the only thing that is keeping the infighting within TPLF from exploding openly is the unwritten code of honor among thieves. Thou shalt not war with another thief for there are no winners in a war among thieves. There is much known unknowns about the inner workings of the TPLF power core. Unfortunately, those who know the unknowns do not talk and those who talk do not know the unknowns.

What will the donors and loaners do in the 2015 election?

The donors and loaners will do nothing to help or ensure that the 2015 election will be free and fair. They could not care less. They want an election drama, not free and fair elections. They have their own old script to follow. In June 2010, I wrote a commentary entitled, “Speaking Truth to Strangers.” It was about the “hear no evil, see no evil, speak no evil” attitude of the loaners and donors towards Meles and his regime. “Zenawi has cultivated and foisted the ‘stability’ canard on the Western donors for years. He has tried to convince them that he is the glue that keeps the 80 million Ethiopians from exploding into ethnic warfare and civil war. The donors know it is all a grim fairy tale, but they go along with it.”

The facts speak for themselves. The US, Britain and the European Union have poured in tens of billions of dollars of aid to support his regime for nearly two decades while pontificating about democracy and human rights in Ethiopia endlessly. They took no action when Meles personally ordered the massacre of hundreds of unarmed demonstrators in 2005. They pursed their lips when he passed a so-called press law criminalizing free speech and the free press. They moaned and groaned a little when he passed so-called anti-terrorism and civic society laws that effectively banned civic organizations and suppressed dissent. They have taken absolutely no action against the Meles regime to show restraint despite a quarter century record of uninterrupted gross human rights violations and criminality. Incredibly, these forked-tongue shameless “diplocrites” (practitioners of human rights hypocrisy by diplomacy) have sought to escape moral culpability by dumping the blame on the opposition. They say, “There is no viable alternative in the opposition.” They know full well that the opposition is subjected to daily threats, intimidation, arbitrary arrests and detentions and violence, yet they have mustered the brazen audacity to blame the victims of tyranny for being ‘not viable’.

Why there can never be free and fair elections in Ethiopia under the present regime

One cannot squeeze blood from turnip. One cannot squeeze democracy from dictatorship. The transition from “bushcraft” to statecraft requires tectonic transformations. Democratic statecraft requires an appreciation, understanding and application of basic democratic principles such as the rule of law, separation of powers, checks and balances and constitutionalism in the governance process. The TPLF dictators have little experience with or practical understanding of such principles. They never had free elections in the bush. Upholding the rule of law is absurd to them because they believe themselves to be THE LAW. Their ultimate justification for clinging to power is that they have made “sacrifices in the bush”. They expect those who oppose them to go in to the bush and fight their way to power. They scoff at civil liberties and civil rights as Western luxuries because they never lived in a system where the powers of government are constitutionally subordinated to the rights of the individual. In short, it is wishful thinking to expect the kind of statecraft necessary for democratic governance from a gang of hateful ignoramuses from the bush. Goethe observed, “There is nothing more frightful than ignorance in action.” Behold the overlords of Ethiopia today!

Sitting on a powder keg

The TPLF (“EPDRF”) is sitting on a powder keg. Its leaders filled with hubris and arrogance are blinded to the fact that the ethnic fires they stoked will one day consume them. The hate, fear and loathing they have nurtured will one day turn against them. They believe they can go on forever clinging to power by pitting one ethnic group against another, one religion against another. They may be able to fool all of the ethnic groups some of the time and some of the ethnic groups all of the time, but they can’t fool all of the ethnic groups all of the time.

The great African American author James Baldwin wrote, “Hatred, which could destroy so much, never failed to destroy the man who hated, and this was an immutable law.”

Let those in power in Ethiopia heed an old prophesy told in the lyrics of a song of African slaves from the harrowing days of slavery in America: “God gave Noah the Rainbow Sign: No more water. The fire next time!”

Vote Out Tyranny in Ethiopia 2015!

Victory Over Tyranny in Ethiopia in 2015!

Professor Alemayehu G. Mariam teaches political science at California State University, San Bernardino and is a practicing defense lawyer.

ከሰማያዊ ፓርቲ ሰልፍ አስተባባሪ ኮሚቴ ለኢትዮጵያ ዳያስፖራ የተላለፈ ጥሪ!

Semayawi

ሀገራችን ኢትዮጵያ የብዙ ምሁራን መፍለቂያ ለመሆኗ አለም ይመሰክርላታል፡፡ አንቱ የተባሉ ምሁራንን በማፍራት ለዓለም አበርክታለች፡፡ ለዚህም ማሳያ የሚሆነው በአለም ካሉ ታላላቅ ዩንቨርስቲዎች እና የምርምር ተቋማት እስከ አመራነት ድረስ ኢትዮጵያዊያን ባለሙያዎች መገኘታቸው ነው፡፡ እነዚህ ምሁራን በተሰማሩበት ስራ መስክ የሚያስመዘግቡት ውጤት እና በስራቸው ተሸላሚ መሆን ላነሳነው ሀሳብ ማጠናከሪያነት ያገለግለናል፡፡ እጅግ የሚያሳዝነውና ልብ የሚሰብረው ግን ሀገራችን ከእነዚህ ውድ ልጆቿ ተገቢውን ዋጋ አለማግኘቷ ነው፡፡ ሀገራችን የወላድ መካን እየሆነች ነው፡፡ ይህ ደግሞ ሆነ ተብሎ የሚቀነባበር ሴራ መሆኑን እንገነዘባለን፡፡
ሀገራችን ኢትዮጵያ የብዙ ምሁራን መፍለቂያ ብትሆንም ቅሉ በተከታታይ ስልጣኑን የጨበጡት ጭፍን አንባገነኖች በሚያራምዱት አግላይ ምሁር ፖሊሲ ምክንያት እውቀታችሁን እና ገንዘባችሁን በምትወዷት ሀገራችሁ ኢንቨስት አድታደርጉ ሁኔታዎች ባለመመቻቸታቸው የስደትን መራራ ጽዋ እንድትጨልጡ ተገዳችኋል፡፡ ከዚህም በተጨማሪ በተለይ ባለፉት 10 አመታት በተቃዋሚዎች መዳከም የሚያታግል ኃይል አጥታችሁ እንደቆያችሁም እናምናለን፡፡

ፓርቲያችን ሰማያዊ እያንዳንዱ ዲያስፖራ ሀገር ቤት ያለውን ዜጋ ያክል የኢትዮጵያዊነት መብት አለው ብሎ ያምናል፡፡ ይህ ይረጋገጥ ዘንድም አጥብቆ ይታገላል፡፡ በተለያየ ሁኔታና ወቅት አንባገነኖችን በሀገር ውስጥ እንደታገላችሁ እናምናለን፡፡ ለዚህ ትግላችሁና ለከፈላችሁት ዋጋም እውቅና እንሰጣለን፡፡ በስርዓቶቹ ጨካኝ ዱላ እና ሰቆቃ ብዛት ውድ ሀገራችሁን ትታችሁ የሥደትን ኑሮ ትገፉ ዘንድ ቢበየንባችሁም ስለ ኢትዮጵያ ከመብሰልሰል እንዳልዳናችሁና ሀሳባችሁ ሀገር ቤት ስለ መሆኑ መስካሪ አያሻም፡፡

ውድ የሀገራችን ልጆች እናንተ የሰው ሀገር በምታለሙበት በአሁኑ ሰዓት ሀገራችን ኢትዮጵያ የጉልበት ሰራተኛ ሳይቀር ከቻይናና ከህንድ በከፍተኛ ክፍያ እያስመጣች ትገኛለች፡፡ ይህ ደግሞ የእጅ አዙር ቅኝ ግዛት ስለ መሆኑ ለእናንተ መንገር ለቀባሪ እንደ ማርዳት ያለ ነው፡፡ ይህ በእውነት ለአንድ ሀገር ወዳድ ዜጋ እንደ እግር እሳት ያንገበግባል፡፡ ልማታዊ መንግስት ነኝ በሚል የቃላት ጋጋታ ብቻ ከድሃው ወገናችሁ በሚሰበስበው ገንዘብ የሰከረው ጉልበታም መንግስት ዴሞክራሲና ልማት አንድ ላይ አብረው አይሄዱም በሚል ማሳሳቻ በየ ጊዜው ጉልበቱን እያፈረጠመ የሄደው በአብዛኛው እናንተ ከምትኖሩበት ከምዕራባውያን ሀገራት በሚቀበለው እርዳታ መሆኑ ሀቅ ነው፡፡
ዳያስፖራው በነጻነት መኖር ምን ማለት እንደሆነ በተግባር ያውቀዋል፡፡ ነጻ ሆኖ መስራት ለሀገር ልማት ግንባታ ያለውን ጠቀሜታም ሀገር ቤት ካለው ህዝብ በተሻለ ሁኔታ ይገነዘባል፡፡ ድህነትና አንባገነንነት ባመጣው ጦስ ኢትዮጵያዊ ክብራችን ተገፎ በየ በረሃው ዜጎቻችን እንደ እንስሳት ሲታረዱ፣ እህቶቻንን በቡድን ሲደፈሩ፣ ወገኖቻችን ልብና ኩላሊታቸው ወጥቶ ለገበያ ሲውል እንደማየት ያለ ዘግናኝ ተግባር ምን አለ?!! ይህ ህገ ወጥ ተግባር ሊፈጸምባቸው አይገባም ብላችሁ ያሳያችሁት ለወገን መቆርቆር ይበል የሚያስብልና ሊበረታታ የሚገባው ነው ብለን እናምናለን፡፡
በተለይ የሳውዲ መንግስት በዜጎቻችን ላይ የወሰደባቸውን ህገ ወጥ ተግባር ለማውገዝ ያደረጋችሁትን ርብርብና ለሀገራችን በአንድ ሆ ብላችሁ መቆማችንሁን በድጋሚ እያመሰገንን አንባገነኑን ኢህአዴግ ለመታገል በሚደረገው ትግል አጋራነታችሁን ስለምንገነዘብ ከጎናችን በመሆን ለምታሳዩት ውጣ ውረድ እውቅና እንሰጣለን፡፡ ከዚህ በፊት ያሳያችሁትን የትግል ቁርጠኝነት እንደምትደግሙት በማመን ያላችሁን የገንዘብ አቅም፣ የእውቀትና የተሰሚነት ሚና በመጠቀም የአንባገነኑን ስርዓት አፈና በማጋለጥ ከጎናችን እንድትሰለፉ ስንል እንጠይቃለን፡፡ ዳያስፖራው ያለውን የኢኮኖሚ ነጻነት፣ የሚዲያ ነጻነትና፣ ሀገር ቤት ካለው ጋር ሲነጻጸር ያለው የለሻለ የትምህርት ደረጃና ልምድ፣ እንዲሁም በእርዳታ ሰጭ ሀገራት ያለው የተሰሚነት አቅም ተጠቅሞ ሀገር ቤት ያለውን ትግል በማገዝ ነጻ የምንወጣበትን ቀን ሊያፋጥን እንደሚገባ ፓርቲያችን ያምናል፡፡

ፓርቲያችን የህግ የበላይነትን ለማስፈን ሁሉንም የሀገሪቱን ዜጋ ያሳተፈ ትግል በማድረግ ላይ ይገኛል፡፡ ዘርፈ ብዙ ትግል ውስጥ ደግሞ ሚያዝያ 19/2006 ዓ.ም ‹‹የተነጠቁ መብቶቻችን እናስመልስ›› በሚል መሪ ቃል ታላቅና ደማቅ ሰላማዊ ሰልፍ ያካሂዳል፡፡ በመሆኑም ይህን ሁሉን አቀፍ የሆነ ሰላማዊ ትግል በሞራል፣ በእውቀትና በምክር፣ እንዲሁም በገንዘብ በማገዝ የትግሉ አጋር ትሆኑ ዘንድ ጥሪያችን እናስተላልፋለን፡፡

ከአገራችሁ እርቃችሁ የምትኖሩ በመሆናችሁ አዲስ አበባ ውስጥ አብራችሁን ባትቀሰቅሱ፣ ሰላማዊ ሰልፍ ባትወጡና ባትታሰሩም መረጃውን ለዓለም ህዝብ በማድረስ ከፍተኛ ሚና እየተጫወታችሁ ቆይታችኋል፡፡ በዚህ ሰልፍም አገር ቤት ለሚኖሩ ቤተሰብ፣ ጓደኛ እንዲሁም ሌላው ህዝብ በስልክ፣ በማህበራዊ ድህረ ገጽና የተለያዩ መልዕክት ማስተላለፊያዎች በመጠቀም ህዝቡን የማነቃቃት አቅምና አጋጣሚ ተጠቅማችሁ በትግል ጉዟችን ተሳታፊ እንድትሆኑ ጥሪ እናቀርባለን፡፡

ኑ ራሳችንን ነጻ በማውጣት የአገራችንን እጣ ፈንታ እንወስን!

የተነጠቁ መብቶችን እናስመልስ!

Semayawi Party

ሰማያዊ ፓርቲ በአዲስ አበባ ሰላማዊ ሰልፍ ጠራ

አዲስ አበባ፡- ሰማያዊ ፓርቲ ‹‹የተነጠቁ መብቶችን እናስመልስ!›› በሚል መሪ ቃል ሚያዚያ 19/2006 ዓ.ም በአዲስ አበባ ሰላማዊ ሰልፍ ጠራ፡፡ ሰማያዊ ፓርቲ ከአሁን ቀደም የተለያዩ ጥያቄዎችን በማንሳት ምላሽ እንዲሰጣቸው ቢጠይቅም ጥያቄዎቹ ምላሽ ያልተሰጣቸው ከመሆኑም ባሻገር ጭራሹን እየተባባሱ በመምጣታቸውና ህዝብም እየተማረረ በመሆኑ ሰላማዊ ሰልፉን መጥራት እንዳስፈለገ የህዝብ ግንኙነት ኃላፊው አቶ ብርሃኑ ተ/ያሬድ ለነገረ ኢትዮጵያ ገልጸዋል፡፡

ሰማያዊ ፓርቲ ግንቦት 25 2005 ዓ.ም ያደረገውን ጨምሮ በአዲስ አበባና ሌሎች አካባቢዎች ሰላማዊ ሰልፎችንና ህዝባዊ ስብሰባዎችን ባደረገበት ወቅት የኑሮ ውድነት፣ የእምነት ጣልቃ ገብነት፣ ሉዓላዊነት፣ ዜጎችን ከቀያቸው ማፈናቀልና ሌሎችም መሰረታዊ ጥያቄዎችን አንስቶ የነበረ ቢሆንም ጥያቄዎቹ ምላሽ ሊያገኙ እንዳልቻሉ የህዝብ ግንኙነቱ ገልጸዋል፡፡ ከዚህ በተቃራኒ በእስልምና እና ኦርቶዶክስ ክርስትና እምነት ተከታዮች ላይ የሚደረገው ጣልቃ ገብነት፣ ዜጎችን ከቀያቸው ማፈናቀሉ፣ የኑሮ ውድነት፣ ሙስና አሁንም ድረስ ተባብሰው መቀጠላቸው ሰላማዊ ሰልፉን በመጥራት ህዝቡ እነዚህን የተነጠቁ መብቶች እንዲያስመለስ ማስተባበርና ማታገል የግድ በማለቱ ነው ብለዋል፡፡

በተመሳሳይ ለገዥው ፓርቲ ስልጣን እንጅ ለህዝብ አገልግሎት የማይጨነቁት ተቋማት ስራቸውን በሚገባ ባለመስራትቸው ህዝብ ለከፈለው ክፍያ የሚገባውን አገልግሎት እያገኘ አለመሆኑም ሌላኛው ሰላማዊ የሰልፉ ምክንያት መሆኑን ተገልጹዋል፡፡ በተለይ የውሃ፣ የመብራት፣ የቴሌኮሚኒኬሽንና የትራንስፖርት አገልግሎቶች ህዝብን እያማረሩ መቀጠላቸው መፍትሄ ስለሚያስፈልገው የሰላማዊ ሰልፉን አስፈላጊነት እንዲሚያጎላው ኃላፊው አስታውቀዋል፡፡

ምንም እንኳ ‹‹የህዝብ መብት መነጠቅና የአግልግሎቶች እጦት ሰላማዊ ሰልፉን ወቅታዊ ቢያደርገውም የሰማያዊ ፓርቲ በአመት ውስጥ ከያዛቸው ፕሮግራሞች መካከል አንዱ ህዝብ የተቀማቸውን መብቶች ማስመለስ መሆኑንና ይህም በተደጋጋሚ በተለያዩ ሚዲያዎች መገለጹን›› አቶ ብርሃኑ ተክለያሬድ ገልጸዋል፡፡
ሰላማዊ ሰልፉ እሁድ ሚያዚያ 19 ከቀኑ 4 ሰዓት እስከ 8 ሰዓት ካሳንቺስ ከሚገኘው የፓርቲው ጽህፈት ቤት እስከ ጃን ሜዳ እንዲሆን የተወሰነ ሲሆን ጃን ሜዳ የተመረጠበት ምክንያትም መብቱን የተነጠቀውና ማህበራዊ አገልግሎቶችን በሚገባ ማግኘት ያልቻለው ህዝብ በነቂስ ወጥቶ ጥያቄዎቹን እንዲያነሳ ሰፊ ቦታ በማስፈለጉ ነው ብለዋል፡፡

በአሁኑ ወቅት በየ ክፍለ ከተማው የሰላማዊ ሰልፍ አስተባባሪ ኮሚቴ ተቋቁሞ ሰላማዊ ሰልፉን ለማድረግ ዝግጅት እያደረገ እንደሆነ የገለጹት ኃላፊው ‹‹በሀይል የተቀሙትን መብቶችን ለማስመለስ በሚደረገው ጥረት ተቃዋሚ ፓርቲዎች፣ ሲቪክ ማህበራት፣ ሚዲያውና እያንዳንዱ ዜጋ ተሳትፎ በማድረግ አገራዊ ግዴታውን እንዲወጣ ጥሪ አቅርበዋል፡፡